Shillong, Risaw 25: U Dr Mukul Sangma nongialam ka liang pyrshah u la ong ban buh ia ka phang bym don jingshaniah shuh ia ka sorkar lah ban leh hapoh ka 48 kynta ha ka por ba dang ka jingiashong dorbar bad ia kane kin dang ia pyrkhat.
Hab jubab ia ka jingkylli na ki Lat pathai khubor hato ka Congress kan wanrah ne em ia ka phang bym don jingshahniah shuh ia kane ka sorkar MDA kaba la ialam da ka party NPP, u Dr Mukul u la ong ban wan rah ia ka phang bym don shuh ka jingshaniah ia ka sorkar don kam 48 kynta ha ki sngi shong dorbar.
U Nongialam ka liang pyrshah u Dr Mukul u la ong ba ka por ka dang don, ia mynta kim pat don kano kano ka jingiakren halor kane bad lada dei ban wanrah ruh ia ka phang bym don jingshaniah shuh ia kane ka sorkar ka por ka dang don kin sa dang ia pyrkhat.
Ban pynkynmaw ba ka Congress kala dep ban khot ia ka jingialang jong ka CLP ha kine ki sngi ban pynkhreh na ka bynta ka dorbar ba kan sa sdang ha ka 5th Naiwieng 2020 jong u bnai ban wan.
