Ban ieit ia ka jaidbynreiw kampher la ngi don ha kano kano ka kam ruh, ong president KSU

Shillong, Nohprah 30: U President jong ka seng KSU u samla Lambokstarwell Marngar haba kren ha ka jingialang ban buh syntiew ban burom ia u Kiangnangbah nongialeh laitluid jong ka Ri, u la ong “ban ieit ia ka jaidbynriew kampher la ngi don ha kano kano ka kam ruh”, ym tang ki seng bhalang ban ieit jaidbynriew.

Ha ka jingkren ka jong u president ka seng KSU, u la pynkynmaw ba u Kiangnangbah ym dei na kano kano ka jaid ba khraw ne u kynja syiem, hynrei u dei u riew paidbah, hynrei haba u ioh ia ka jingshah niam bei kin paradoh parasnam u lum u lang ia ki rangkynsai ban ia leh pyrshah ia kane ka jingshah ban bein bad u long shisha u nuksa na ka bynta ban ieit iala ka jong ka jaidbynriew.

Na ka liang jong u nongialam ka seng KSU u la ong ba ka seng kala iaid 40 tylli ki snem bad ha kine ki snem kala mad ia ki jingtyrha na ka bynta ka jaidbynreiw, u kyntu ia ki, long kmie long kpa ki samla sam bhoi haba ka jaidbynriew ka don kam ban ia mih sha khmat namar ka sorkar ka ialeh ban pyntlot bor ia ka jaidbynriew.

Kiwei ki nongkren ha kane ka sngi ki long u Bah Samuel Jyrwa chairman jong ka NESO, ha ka jingkren jong u la ong ban ieit ia ka jaidbynreiw don kamb an bud ia ki nuksa jong u Kiangnangbah kaba u don ia ki saw tylli ki jinglong, ban long kiba shlur, ban long ba tip briew, ban long ba tip blei bad ban wad ia ka hukum blei.

Ha ka jingkren u bah Sony Khyriem u la ong ba “ngi don tang kawei ka Ri to ngin iada ia ka” kiwei ki nongkren ki long u Bah Heipor Pariat, bah Augstar Jyrwa baroh kine ki dei ki nongialam ba rim jong ka seng KSU.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet