Shillong, Nailur 01: U myntri ba dei peit ia ki kam ia lehkai jong ka sorkar jylla u Zenith Sangma, u la kyntu ia ki paidbah jong ka Garo Hills ba kin rep bun jaid ki jingrep na ka bynta ban kiew ka kamai ka jih jong ki, ia kane u la kren ha ka jingsam ia ki symbai dieng Agar bad kiwei ki marep ia kaba la pynlong ha Chigitchakgre.
Ha kane ka sngi u CEM jong ka GHADC u Boston Marak bad u Deputy Commissioner, Cyril V.D. Diengdoh ruh kila ia don lang. Kumba ka long ka jylla Meghalaya kaba don 30 lak ngut ki nongshong shnong na kine 60,000 ngut ki dei ki nongtrei sorkar. Na ka liang jong ka sorkar ka pynshlur ia ki briew bakin shim khia ia ka kamrep.
Ha ka jingkren jong u Zentih u la ong ba bun bah ki briew ki leit ban ia kren ia la ki jong ki jong ki MLA ban pynioh kam sorkar, kane ka jingleh ka long beain na ka liang jong ka sorkar kam kwah ia kum kane ka jingleh bad ka kwah ba ki briew kiba apply kam sorkar ki dei ban ioh katkum ka hok ka jong ki ia ki exsamin kiba la pynlong da ka MPSC bad DSC.Na ka liang jong u myntri u la ban jur ba lada thung ia ki jingthung ha ki jaka rep ka jong ki ka jingmyntoi kam long tang ia ki mynta hynrei wat ia ka pateng ban wan ruh kum juh.
Ha ka jingkren jong u CEM jong ka GHADC u Boston Marak bad u DC jong ka SWGH District kila ong ba ka rep ka dei ka lad ka lynti kaba ka dong bad ka thain ka don ban kyntiew ia ka ioh ka kot jong ki paidbah ka thain. Ha kane ka sngi la don lang ruh ki ophisar na ka tnad Horticulture ha kaba kila ai jingkren.
