Ban kyntiew ia ki kam jngohkai pyrthei leit iuh kjat u Alphons ha Lumsohpet Bneng

Shillong, Nohprah 02: U myntri khynnah Mr Alphons Josephka sorkar pdeng u Alphons Joseph u ba dei peit ia ki kam jngohkai pyrthei bad ia ka tnad pynneh pynsah ia ka riti dustur mynta ka sngi u la leit ban iuh kjat ha Lumsohpet Bneng ha ka jingiadon lang ki nongialam seng khasi bad u president jong ka BJP Meghalaya State Unit u Bah Shibun Lyngdoh.

Kane ka jingleit jngoh jong u myntri ka sorkar pdeng ia kane ka jaka kyntang ka long na ka bynta ban leit peit hi da la ki jong ki khmat ban iohi khnang ba ka sorkar pdeng lyngba ka tnad pynneh riti dustur ka lah ban ai ia ki ki lad jingiarap na ka bynta ban pynneh pynsah ia kane ka jaka kyntang.

Ha ka jingngiet u khun khasi khara ba dei lyngba kane ka jaka ba ha ka mynnor ka juk aion ksiar ha kaba ki briew ki ia kiew ia hiar hapdeng u khyndai sha jrong bad u Hynniew trep sha tbian. Kane ka jaka ka long ka jaka kyntang na ka bynta u khun khasi khara u ba dang bat ia la ka jong ka thymmei.

Kane ka long ka sien kaba nyngkong lah ban ong ba u myntri jong ka sorkar pdeng u leit ban jngoh ia kane ka jaka kaba kyntang. Da kane ka jingleit ka jong u la ioh da la ki jong ki khmat ba ka long kaba don kam haduh katta katta ban pynneh pynsah kyrpang ia kane ka jaka kyntang.

What Next?

Recent Articles

Leave a Reply

Submit Comment
*