Ban pdiang ne kyntait ia ka Kulsi Dam yn sa shim ia ka rai ynda la ioh ia ka DPR: Conrad

Shillong, Nailur 10: U myntri rangbah ka jylla u Conrad K Sangma haba jubab ia ka jingkylli ba la wan rah da u Bah Kimfa S Marbaniang ha kaba ia dei bad ka Kulsi Dam Project, u myntri rangbah u la ong ba ka sorkar ka tip ba ka don ka jingthmu ban tei ia katei ka Dam bad kan ktah ruh ia shibun ki jaka puta. Haba ia dei bad ka NOC ka sorkar kam pat ai.

Haba jubab ia ki jingkylli bynrap, naka liang jong u myntri rangbah u la ong ba mynta ki dang pynkhreh iaka “Detail Project Repot” ha dien bala ioh ia DPR na ka liang jong ka sorkar kan sa shim iaka rai ban pdiang ne kyntait ia kane ka Kulsi Dam Project.

Na ka jong u myntri rangbah u la ong ba kane ka Kuli Dam Project ka dei kaba don kam na ka bynta ka Ri bad kala don ruh ka jingiakren halor kane ka Dam haka 21th Iaiong 2019.

Nongialam ka liang pyrshah u Dr Mukul u la kwah ban tip kaei ka nongrim ba ka sorkar ka ieng halor kane ka Kulsi Dam namar ka hap haki jaka ba don jingiakajia, na ka liang jong u Myntri rangbah u la ong ba kam long kaba bha ban shukular hapoh ka iing dorbar katba ym pat ioh ia ka DPR.

Na ka liang jong u Myntri rangbah u la ong ba ha dein ba ka sorkar kala ioh ia ka DPR, ha kata ka por ka sorkar kan sa shim ia ka rai kaba ia dei bad kane ka KulsiDam Project.

 

What Next?

Recent Articles

Leave a Reply

Submit Comment

*