New Delhi, Iaiong 03: U myntri rangbah ka jylla u Conrad K Sangma, u myntri kam poh iing ka jylla u James K Sangma bad u Bah Metbah Lyngdoh ki myntri jong ka sorkar jylla mynta ka sngi kila ia kynduh ia shibun ki myntri sorkar pdeng ha nongbah Delhi ban ia kren bad ki ha kaba ia dei bad ki kam pynroi ha kane ka jylla.
Na pdeng ki myntri jong ka sorkar pdeng u myntri rangbah ka jylla u la leit ban ia kynduh ia ka Sushma Swaraj myntri kam bar ri jong ka sorkar pdeng bad ha kane ka jingiakynduh na ka liang jong u myntri rangbah ka jylla u la ia kren bad ka myntri jong ka sorkar pdeng ba kan tuklar lem na ka bynta ban pynsted ha kaba ia dei bad ki surok ban pyniasoh ia ka Nongbah Shillong-Tura bad ka Dhaka.
Ha kaba ia dei bad kane ka jingkyntu jong u myntri rangbah ka jylla Meghalaya na ka liang jong ka myntri jong ka sorkar pdeng kala ong ba ia kane ka bynta kin sa ia kren ha ka jingialang jong ki myntri rangbah ka dong shatei lam mih ngi jong ka Ri India ha ka 4th Jymmang 2018 ha kane ka jingialang kin sa ia kren kumno ban kham pynbha ia ka jingiadei bad ki ri ba marjan ha kiba bun ki liang, khamtam ha ka khaii pateng katkum ka Act East Policy.
Na ka liang jong u myntri rangbah ka jylla u la ong ba ia khappud India Bangladesh kaba don 440 Km ha Meghalaya kala sorkar pdeng kala dei ban shim noh da ka polisi kaba thymmai ia kaba yn tip kum ka “Act South” ban kyntiew ia ka ioh ka kot ha kane ka thain.
Na ka liang jong u myntri rangbah ka jylla u la ai jingmut ban ai noh da ka Work Permit ia ki khar Bangladesh ban khanglad ia ka jingwan rungtuh ki khar Bangladesh ha kane ka bynta ka myntri jong ka sorkar pdeng kala ong ba kin dang hap ban ia kren.
Ha ka jingiakynduh bad u Nitin Gadkari, u myntri rangbah u la ia kren ia ki surok ha kane ka jylla kaba dei na Tura sha Baghmara, Baghmara sha Ranikor, ka surok AMPT bad ka surok na Nongstoin sha Maweit. U myntri rangbah u la ia kynduh ia u MoS u Kiren Rijiju myntri kam poh iing, u RK Singh myntri kam bor ding,
