Shillong, Jymmang 26: Ka Basin Development Unit, jong ka West Khasi Hills District, Nongstoin kan pynlong ia ka jingrakhe ia ka sngi pynneh mariang kaba shitaiew lynter, kan sdang ha ka 6 tarik jong u Bnai jylliew ban wan bad kat kut ha ka 11 tarik jong u juh u bnai, kane kan long ha Trysem Hall, ha ophis jong u Deputy Commissioner, West Khasi Hills, Nongstoin.
Ha kane ka shitaiew kin don bun ki jingiakop dro bad ki jingiamir jingmut kumno ban pynneh pynsah ia ka mariang, la khot ia ki khynnah skul ki nonghikai ba kin ia poi ha kane kine ki sngi kiba kwah ban ia shim bynta ki hap ban lei tai kyrteng ha ka 2 tarik jong u tei u bnai, ha ka ophis jong u Deputy Commissioner jong ka West Khasi Hills.