Shillong, Naiwieng 25: Ka KSU Sohiong Circle kala sam ia ka khusnam Maitshaphrang Award kaba 11 na ka bynta ban dang pynshlur bad ai mynsiem ia ki Samla Pule jong ka Thaiñ Sohiong, kum ba ju leh man la u Snem.
Ia kane ka jingsam ia ki khusnam sha ki samla pule la pynlong ha ka 22 tarik mynta u bnai na ka bynta ki samla pule jong ka thain Sohiong kiba la pass bha ha ki eksam bapher-bapher jong une u snem 2018.U Bah Samlin Malngiang uba long ruh u MLA jong ka Thaiñ bad ruh u myntri ka sorkar jylla u la don ryngkat kum u kongsan,Samla Readyon S.Nongrum Education Secretary ka KSU Sengkmie kum u symbud kongsan ha kaba ki nognialam ka seng kmie ruh kila ia don lang ha kane ka sngi.
Kiwei kiba la ia don lang ha kane ka sngi ki long u heh pulit jong ka Sohiong Police Outpost,ki Rangbah Shnong,Sordar shnong,Lyngdoh ka Hima sohiong,ki khynnah skul,ki nonghikai bad ki kmie ki kpa jong ki samla kiba shah pyn kup burom ha ka KSU Sohiong Circle.la pyn i phuh i phieng ia kane ka sngi la ioh ruh ia ka jing shad bad ka jing rwai tynrai jong Ki khynnah skul kane ka Thaiñ.
Ki Samla pule kiba la ioh pdiang ia ka jing pynkup burom ki long, Elgivia kharngi,Bakordor Jana,Ibanrisuk j.nongsiej,Balashai kharngi,Nitmira Khongsit,Labiangshisha Marbaniang,Ilakordor Thabah,Danolashem Kharsohnoh,Emirilda Thabah,Banskhemlang Malngiang ,Naphishisha Thabah,Larisa Janong, Jefferson L.Thabah,Misha Thabah,Melabakyrpang Malngiang,Aiombathiang Thabah,Ianisha Nongbri,Baphinkerhun Nongrang,Darijingsuk Kharthawmaw.
