Shillong, Kyllalyngkot 21: U myntri rangbah ka jylla u la ong ba ia mynta ka sorkar kam pat don kata ka jingpyrkhat ban sangeh noh ia ka jingwad ia ki briew kiba la duh ei ia la ka jingim hapoh ka krem dewiong ha Ksan ha East Jiantia Hills District.
Ka jingwad kan dang iai beteng ia mynta bad shuwa ban shim ia kano kano ka rai na ka liang jong ka sorkar kan khot shuwa ia ka jingialang jong baroh ki tnad kiba don ha katei ka jaka kiba wad ia kine ki briew, kum ka NRDF, ki shopai um, ka Coal India Limited, Odisha Fire service shuwa ban shim ia kano kano ka rai.
Na ka liang jong ka sorkar ka leh katba lah, lada ym lah ban sei ia ki na katei ka jaka la ka long ha kano kano ka rukom ruh, hynrei kumba ka paw baroh ki jingpyrshang kila sep ei haduh mynta. Haba phai sha ka jinglut na ka liang jong u myntri rangbah u la ong bay m dei ban iathew.
Kaei kaba ka sorkar ka kwah ka long ban ioh biang ia ki met kiba la shah ban hapoh katei ka krem dewiong hynrei kumba ka long mynta la pyrshang baroh ki lad ki lynti hynrei kam shym don kano kano ka dak ba lah ban leh ei ei. Shuwa ban shim ia kano kano ka rai ka sorkar kan khot ia baroh kiba don kti ha kane ka jingialeh ban pynlait ia ki ban ia kren shuwa.
