Ban shakri iaka Jaitbynriew Shibun ki jingeh hap ban mad long lypa kiba la pynkhreh:Donald

Shillong, Nailar 20: Ka KSU Tyrsad Circle kala leit ban seng ia ka Unit jong ka seng hapoh jong ka shnong Kyrphei ia kaba la pynshem ia ka ha ka jingiadon lang u samla Donald V Thabah General Secretary jong ka seng kmie lem bad kiwei de, kane ka unit ka hap hapoh ka jingpeit jong ka Tyrsad Circle.

Ki nongkitkam jong ka KSU Kyrphei Unit ki long , u samla Posstar Rynjah u la shah jied kum u president, Vice President u samla  Welcoplang Rynjah, General Secretary u samla Fleckstar Rynjah, Asst. Secretary u samla Pillasstar Nongbet, Organising Secretary Samla Kyrmenlang Nongbet,Education Secretary Samla Justerwell Rynjah,Publicity Secretary Samla Banshanborlang Nongbet. Nalor kine la buh ruh sa khatwei ngut kiwei ki nongkit kam jong ka seng. Ia ki dkhot jong ka seng la pynbam smai da u Samla Donald V Thabah General Secretary ka seng.

Ha kane ka sngi la ioh ruh iaka jingkren kyntu kynpham bad ai mynsiem na u Secretary jong ka shnong Kyrphei. Haba kren haka jingialang naka liang jong u Samla Pynshaiborlang Rani u la maitphang ia Ki Nongrim treikam jong jong ka KSU bad u la kyntu ia kine ki Samla ba kim dei ban tieng ne syier hynrei ki dei ban iaineh haka nongrim  bad ka jingshisha Kumba ka seng ka ju ieng wat la shibun ki jing pyntieng pyn smiej kin wan,u la kyntu ia kine ki samla ban pyn tyllun ia ka sha lyntem jong ka seng da ka Mynsiem ka jing shit rhem ym da ka jing shongshit.

Ka Seng ka ju kren iaka jingshisha la ka long haba iadei bad ki rukom treikam jongka sorkar, ki mat kiba ktah ia ka Jaitbynriew ne haba ia dei bad ki kam bamsap bampong bad kiwei kiwei la ong u Samla Pynshaiborlang Rani. Katba na ka liang U Samka Barikupar Nongsiej u la ong ka por Samla ka dei ka por ka biang tam ban trei ia ka bha ka miat jong ka shnong ka thaw namar ki don ia ka por ba laitluid kumta ka shong ha ki ban ym pyn leh noh ei ia ka por jing long samla ban shakri ban kyntiew bad ban iada ia ka Snap paka jong ka Jaitbynriew.

Ha ka jingkren jong u samla Donald V. Thabah, General Secretary KSU Sengkmie ha kaba u la ban jur ba kum ki dkhot jongka Seng ban shakri iaka Jaitbynriew Shibun ki jingeh kin mad hynrei dei ban long lypa kiba la pynkhreh khnang ban pynthikna ba ka Jaitbynriew kan im. Shuh shuh une u samla u la bynrap ba ka Jaitbynriew ka long kum ka met  lada ka wei na ki dkhot jong ka met ka shitom ne ka pang baroh kawei ka met kan sa kem tlot bad swai noh lada ngim lah ban sumar kloi noh ha ka por ba biang.

Kumta u la ong ba ka jing mih jong kine ki samla na ka shnong kyrphei ban ia soh bad ka Seng kan dang pyn khlaiñ shuh shuh ia ka seng hi baroh kawei bad kaba ai jing kyrmen ia ka Pateng ka ban wan.Une u Nong ialam u la pynshai ruh sha kine ki dkhot ba thymmai ia ki daw jong ka jing pyrshah jong ka Seng ia ka jingwan jong ka Railway sha ka Bri Hynñiewtrep kumta u la ong ba donkam ia ka jing iatrei lang bad ia tylli da baroh ki dkhot ka Jaitbynriew.

What Next?

Recent Articles

Leave a Reply

Submit Comment
*