Shillong, Jylliew 10: Ka JSU War Jaintia Circle hadien ba ka lap ia uwei u khar bangla ha Dawki. Une u khar bangla uba kyrteng u Md. Aksar Nur u dang thmu ban leit phai
sha Bangladesh lyngba ka Land Custom khlem ka jingioh jingbit ne jigtip jong ka Sorkar.
Kaba sngew lyngoh ka long ba une u dkhar uba kam ia lade ba u wan na Nagaon, Assam ula poi shaduh Dawki khlem ki jingbit ne ki kot ki sla ki ba biang. Kumno u ioh ban kam ia ka interstate border na Assam bad Meghalaya khlem da don ka jingtip jong ki bor ba dei peit ha Byrnihat ne Ratacherra.
Ka JSU ka ong ba ioh lehse u dei uba dang wan hi na Bangladesh ne na ki jaka ha Meghalaya hi. U ne u briew ba na Bangladesh u kam ruh ba u la wan sha India naduh ka 23 Feb 2020 katkum ba la kdew ha ka passport ka jong u bad u lah sahkut noh ha India namar ka lockdown.
Kumta ka seng hapoh ka jingialam u Prsident u Eddy Kery Pohtam kila pyntip noh sha ka Dawki Police Station ban leh ia kaba donkam bad ruh lah phah leh ruh ia ka jingtest lyngba ka Thermal Scanning. Ka JSU ka sngew ba la dei ban don ki Rapid Test Kits ha khmtam ki jaka khappud ha ki entry points.
