New Delhi, Lber 05: Ka National Highways Authority jong ka Ri India kala shim ia baroh ki lad ki lynti bad ki surok bah ha ka Ri kin long kiba bha bad la bethah ban sumar bha ia ki, la ong u Chairman jong ka NHAI u Deepak Kumar. Ia kane ka jingbethah la phah sha baroh ki ki Regional Officers bad Project Directors ba kin peit bha ia kane namar ka NHAI kala shim ia ka rai ba ki surok bah ha ka Ri kin long kiba bha.
La bethah ba lada ki kontraktor kiba la shimti ia ka kam kim lah ban bud ia ki kyndon kiba la buh da ka NHAI katkum ka jingiasoi ia ka jingiamynjur dei ban pynshitom ia ki katkum ki kyndon jong ka jingiateh kular.
La bethah ia ki Project Director bad ia ki Regional Director ba kin leh ia kaba don kam katkum ki jingiateh kular. Haba ia dei bad ki surok bah kiba la bei pisa da ka sorkar ki Project Director bad ki Regional Director ki dei ban leit ban jurip iaki surok na ka por sha ka por.
La bethah ruh iaki ophisar kiba don ha ki jaka trei kam ba kin maramot ia ki surok na ka por sha ka por haba don ka jingduh jong ki surok. Ha ka juh ka por na ka liang jong ka NHAI ruh ka juh shim ia ki jingujor na kiba iaid ha kaba ia dei bad ka jingsniew jong ki surok.
