Shillong, Kyllalyngkot 12: Ka party Congress kala buh teng shuwa ia ka jingiakynduh jong ka MPCC Election Committee ia kaba la buh ban long mynta ka sngi ha iing sah jong u nongbai buit jong ka party congress u Dr DD Lapang.
Ki thymmei khubor kiba ia jan bad ka seng Congress la ong ba ka jingbuh teng ia ka jingkynduh jong ka Election Committee ka dei na ka daw ba bun na ki dkhot kim pat don ha Shillong la ong ba kin sa ia kynduh ha kine ki sngi ban ia pynbeit ia ki kyrteng jong ki kyrtong.
Ki lad khubor ki iathuh ba ha kane ka kynti kaba mynta na ka liang jong ka seng Congress ha kane ka jylla Meghalaya kan phah ia ki kyrteng jong baroh ki kyrtong kiba la pan tiket bad ia ka rai kaba khatduh kan shnong ha ka Central Election Committee jong ka AICC.
Katkum ki lad khubor kiba la lah ban ioh la ong ba ki MLA shimet ki ban rung sha ka seng Congress ki hap ban hiar shuki shuwa kum ki MLA, kane ruh ka long kawei a ki daw ia kaba la buh teng shuwa ia ka jingiakynduh jong ka MPCC Election Committee kaba la buh ban long mynta ka sngi.
