Shillong, Risaw 26: Ka KSU Mawkyrwat Circle hapoh ka jingialam jong u samla Plosbor Kharjahrin, Organising Secretary ka seng mynta u bnai ka la leit ban khynra iaki briew ba khlem kot khlem sla kiba wan trei ban pynbit pynbiang iaka Ultra Marathon bad haka jingkhynra ka seng la lap ba kine ki 10 ngut ki kim don ka Work Permit bad ki kot ki sla kiba biang ban pynshisha iaka Tynrai jong ki.
Naka liang jongka seng namar kata mardor kala phah leit noh ia ki bad ka jingmaham ba nangne shakhmat ym dei shuh ban wan ialam briew ban trei iaki kam ba ki trai shnong ki dang lah ban trei. Ka seng ka dap daka jingsngewkhia halor ka jingpyrshang ban wan pynrung iaki briew ba nabar ban knieh iaka kamai ka jih kaba ki khasi trai shnong ki lah ban trei.
Kane kan ktah iaka ioh ka kot jong ki nongbylla sngi kiba dei ki trai ri trai muluk. Kum ka seng naka por sha ka por ngi la ju maham tyngeh iaki malik, ki contractor, ki nongkhaii ban wanrah nongbylla dkhar bad ruh iaki trai shnong kiba leh Benami. Ka seng lada kan dang lap nangne shakhmat ngim banse ban hap leh kham tyngeh ia kine ki briew ba bsa ne ai jaka rieh iaki bym dei ki trai ri trai muluk da kaba pyntrei iaki ha ki jingtrei ba dang lah ban trei daki trai shnong.
Naka liang ka seng ka la kynnoh ruh ba kine kiei kiei ki jia dei tang naka daw ba ka District Level Team ba la hakhlieh daka Deputy Commissioner kam shym la Treikam ha kata ka rukom ba dei ban tehlakam ia kane. Haka jingshisha ha Mawkyrwat Block la don la u Labour Inspector hynrei kim tip shaei u jah namar haduh mynta kim pat iohi ba un khynra kot bad work permit iaki briew ba na bar ba wan trei hapoh ka Thain.
Ka seng ka pynrem jur ia ki bor ba dei peit namar ki la fail ha ka ban tehlakam ia kane. Ngi dawa namar kata na u Labour Inspector bad ka District Level Team bad ruh naka District Task Force ba kam dei ban pynbor iangi ban leh iaka kamram ba ki dei ban leh lym kumta maki kin hap ban shim jingkitkhlieh hadien. Ka kyrwoh na u samla Plosbor Kharjahrin, Organising Secretary, KSU Mawkyrwat Circle
