Shillong, Jymmang 05: U bah Myghter Marwein mynta ka sngi u la leit ban ai jingiarap ia kawei ka long iing jong ka kong Drula Snaitang da ki tin sop iing namar ba kane ka iing kala shah pynjot ha ka jingshah rong ha ka eriong ha ka 26th Iaiong 2022.
U bah Marwein b dei rangbah shnong na Nongjri u la ong ba u la leit ban ai jingiarap sha katei ka shnong namar wat la kane ka iing kala shah pynjot ha ka mariang hynrei na ka laing jong ki nongmih khmat ka thain kim shym la leh ei ei ban iarap ia kane ka iing.
Na ka liang jong u tei u rangbah u la leit ban ai jingiarap ia katei ka long iing da ki tin sop iing ba kin ioh ban tap ia ka thmu jong ka iing kaba la shah rat ha ka eriong, ha kane ka sngi la don lang ruh ki riew rangbah ban ia sakhilang.
Ha kane ka juh ka sngi u bah Marwein u la ai jingiarap ruh ia ka kynhun ialehkai hapoh ka shnong Domskhen da ki uniphom ialehkai sha ki samla katei ka shnong kiba dei hapoh ka seng Domskhen Rum Sport Club bad Domskhen Sport Club.
