Shillong, Jylliew 28: Ka HYC Shillong City mynta ka sngi hapoh ka jingialam u samla Enlang Sawian General secretary sa Shisien ka la ioh ban kner iaki jingiarap Sha ki 71tylli ki longiing ha ka dong Jaiaw Lumshyiap bad Lumpyllon.
Ha kaba ka seng, lyngba ka bor ba rit ka la ioh ban ai da u khaw bad u phan sha ki long iing kiba la shah ktah ha Kane ka lockdown khamtam eh ha ka Kamai kajih Jong ki.
Ha kane ka sngi nalor ki dkhot ka seng, la iadon ryngkat lang ruh ki nongkitkam Shnong naduh u secretary jong ka Dorbar Shnong Jaiaw Lumshyiap bad lumpyllon, ki dkhot Seng samla Shnong, ka Seng longkmie bad kumjuh ki Anganwadi.
Ha kaba na ka Liang u General secretary ka Seng, haba ai jingkren u la ong wat la ki jingai jong ka seng ki long kiba rit eh. Hynrei ki sngewkmen bad ainguh ia u Blei ba naduh ka 30tarik u bnai Lber haduh mynta naka liang ki shnat treikam jong ka HYC ki dang lah ban iai bteng iaki jingiarap.
Kaneka jingiarap ka seng ka la long sha kylleng ki paradoh parasnam kiba don ha kylleng ka Bri U Hynñiewtrep kiba la mad iaki jingeh bad ki jingkyrduh bad kiba donkam iaki jingiarap.
U la kyntu ruh iaki nongshong shnong ba kin ai ka jingiatreilang bad ki Dorbar Shnong bad kumjuh ruh ban bud pyrkhing iaki jingbthah Jong ka Tnad ka koit ka khiah Jong ka Sorkar khnang ba Kum ka jaitbynriew bad ka jylla hi baroh ngin jop pyrshah ia kane ka Khlam COVID-19 kaba la sar kylleng ka pyrthei.
