Shillong, Kyllalyngkot 23: U bah Vincent H pala working president jong ka seng congress u la ong ba na ki 60 tylli ki Konstitwnesi ha ka iing dorbar thawain ka jylla, ka party Congress kala ioh pdiang 90 tylli ki aplikoshon na ka bynta ban ia khun ia ka MLA Election 2018.
La iathuh ba na ki 60 tylli 56 tylli ki konstitwensi , la dep ban bishar bniah bad ki aplikoshon jong ki kyrtong baroh ki biang bad kaba sah mynta ka long ba kin phah ia ki aplikoshon sha ka AICC ha kaba u Oscar Fernande u dang peit bniah iaki aplikoshon shuwa ban poi sha ka AICC.
Ka kamram jong ka Election committee na ka MPCC ka long tang ban peit la ki aplikoshong ki biang ne em, kim lah ban leh ei ei bad la shem ba baroh ki aplikoshon ki biang kat kiba la ioh haduh mynta.
Haba ia dei bad ki saw tylli ki konstitwensi, ka North Shillong, South Shillong, Pynthorumkhrah bad ka Raliang, ka party mynta ka dang ap namar ba ym pat don kyrtong, ka jingkhang ka dang plie lada don ba kwah ban ban tiket na ka seng Congress.
Haba ia dei bad ka jingpynbna ia ki kyrtong jong ka party na ka liang jong u bah Vincent H pala u long ba ka party na ka AICC bad kum juh na ka liang jong ka MPCC kan pynbna ha lane shuwa ka 31 tarik mynta u bnai.
Haba ia dei bad u myntri rangbah ka jylla u Dr Mukul Sangma, u bah pala u la pynthikna ba u myntri rangbah u la pan tiket na ki ar tylli ki konstitwensi, na Ampati bad Songsak, la iathuh ban a Ampati ba pan tiket dei tang u Myntri rangbah bad na songsak nalor u myntri rangbah don sa ar ngut kiwei pat.
