Shillong, Iaiong 05: Ki nongialam jong ka MEHU Student’s Union mynta ka sngi ki la leit ban ia kynduh ia u Lat jong ka jylla u Tathagata Roy ban kyrpad ia u ba un tukla lem ba dei ban don noh ha Shillong ia ka “ University Grants Commission National Eligibility Test” bad ia ka “State Level Eligibility Test” .
Ka samla Genuica Mawjaw president jong ka NEHUSU, haba kren ha ki lad pathai khubor ha dien ba la ia kynduh ia u Lat jong ka jylla, ka la ong ba na ka liang jong u Lat ka jylla u la ai ka jingkular ba un shimkhai ia kane ka kam ban ia kren bad ka sorkar jylla ha dien ka ilekshon.
Halor kane ka jingdawa jong ki samla pule ka NEHUSU ka samla Mawjaw ka la ong ba kila dep ban ai ia kane ka juh ka dorkhas sha u myntri rangbah ka jylla la kumba lai bnai ei ei mynta hynrei namar kam shym don kano kano ka dak ba ka sorkar kan leh ei ei halor kane kim banse ban ia kynduh noh ia u Lat jong ka jylla u ba dei ruh u dkhot jong ka NEHU.
La ong kumba 2000 ngut ki samla pule jong ka jylla ki hap ban leh ia kine ki examin khang ba ki samla pule ki lah ban shah jied ha ka kyrdam Assistant professor ha ki college bad kum ki Junior Research ha ki skul bah. Dei ha u snem 2018 bad ka UGC kala rai ban dei ban don ia ka “Computer Base Test” hynrei hangne ka sorkar kam lah ban leh ei ei.
Kumba ka long mynta ka jylla Meghalaya ka don tang kawei ka jaka ban leh ia kane ka eksamin “ University Grants Commission National Eligibility Test” kaba don ha Qualapatty bad kata ruh la pynlong ia ka eksamin tang ha u bnai Nohprah. Katba ia ka SLET pat ka sorkar Meghalaya ha duh mynta kam don ia ka jaka toh eksamin. Haba ia dei bad ka UGC NET pat ki don haduh 100 tylli ki subject kaba ki samla pule ki lah ban ialeh.
Ka president jong ka NEHUSU, kala iathuh ba ha ka por ba ki leit ban ia kynduh ia u myntri rangbah ka jylla Meghalaya ban ia kren ia kane na ka liang jong u myntri rangbah u la pynpaw ia ka jingsngew kyndit ka jong u ban tip ba ka jylla kam don ia kum kine ki jaka thoh eksamin kiba don kam, hynrei haduh kine ki sngi kim shym la ioh jubab bad na kane ka jingiakynduh ia u Lat ka jylla kala shai ba dei na ki ilekshon. Na ka liang jon u Lat u la ong ba ia kane ka kam yn sa ia kren bad ka sorkar ha dien ka ilekshon.
