Dei ba duna pisa ka sorkar ba pynsngeh shipor ia ka jingsam ia u Shini Rashon: James

Shillong, Naitung 19: U myntri ba dei peit ia ka tnad sambam samdih jong ka sorkar jylla u James K Sangma mynta ka sngi  u la iathuh ba ka jingpynsangeh shipor ia ka jingsam ia u Shini Rashon sha ki paidbah ka dei na ka jingduna pisa ka sorkar.

Haba jubab ia ki jingkylli na ka liang jong u myntri ba dei peit ia ka tnad sam bam u la ong ba ka sorkar kam shym don jingthmu ei ei ban pynduh ia kane ka jingsam shini sha ki paidbah hynrei ka shu buh teng shipor namar kane ka jingsham shini ka dei ka skhim jong ka sorkar jylla kam dei shuh jong ka sorkar pdeng.

Naka liang jong u myntri ba dei peit ia ka tnad sam u la ong ba ka sorkar kan nym pynduh ia kane ka skhim hynrei kan dang beteng, kane ka jingpynsangeh ka long tang na ka daw jong ka jingduna pisa mynta shipor.

What Next?

Recent Articles

Leave a Reply

Submit Comment

*