Shillong, Lber 23: U myntri ka tnad ka koit ka khiah u Bah AL Hek haba jubab ia ka jingkylli jong u Winnerson D Sangma ha kaba ia dei bad ka jingthmu ban tei shuh ia ki Civil Hospital, ki CHC, PHC bad ki sub Centre, na ka liang jong u myntri u la ong ba ia mynta kam pat don ka jingthmu ban tei thymmai ia ki jaka ai jingsumar.
Na ka liang jong u myntri u la iathuh ruh ba kumba ka long mynta ka jylla ka don bun ki jingduna ha ka jingdon jong ki nongtrei ha ka koit ka khaih, haba ia dei bad ki jingtei kiba la sdang ka sorkar kan pyndep ia ki bad kan ialeh ban plie noh katba kloi ia ki.
Haba ia dei bad ka jingkynnoh jong u bah Sanbor Shullai MLA jong ka Shillong South ba ki don ki mawnongrim snaiap, haba iarap ban jubab ia kane na ka liang jong u myntri rangbah ka jylla u Conrad K Sangma u la ong ba, na ka liang jong u u don ia ka jingsngewkhia kaba jur kumba sngew u MLA na ka Shillong South, u MLA jong ka Siju-Rangra bad kumba sngew u MLA jong ka Kharlkutta, Na ka liang jong u myntri rangbah ka jylla u la ong ba ka sorkar kan ia leh ban kiar ha ki snem ban wan ban buh ia ki mawnongrim snaiap.
