Shillong, Nohprah 28: Ka jing ai kyrteng Iing Trep ia ka Iing Sad Iing Sunon jong ka Hima Khyrim kaba don ha Smit kumba la shon haka kot Pule class III kaba Kyrteng “To Tip Laka Pyrthei”kadei ka jing ibien bad niewbien ka tnad pule puthi bad ka Sorkar Meghalaya iaka Hima Khyrim bad ia u khun u hajar ka Hima.
Kumno ka tnad pule, puthi bad MBOSE kam tip ia ka riti dustur jong ka Hima Khyrim, hato ka tnad pule puthi kam tip mo ba ka Iing Sad Iing Sunon jong ka Hima Khyrim kadei kaba khuid kaba kyntang kaba don niam don rukom, bad kadei ruh kawei napdeng ki Iing Sad jong ki Hima Syiem ba don hapoh ka bri u Hynniewtrep baka Iing Sad Jongka Hima Khyrim kadei kaba skhem ka nongrim bad kaba dang biang ki Riti Dustur kumba la Seng ia ka Hima ha ryngkat ka niam ka rukom ia Kaba la burom ym shuh tang da da ki khun ki hajar Jongka Hima hynrei la tip bad la burom da ka pyrthei baroh kawei.
Kumta halor Kane ka BJYM ka dawa ia ka sorkar jylla bad ka MBOSE kadei ban pan map mardor halor kane ka jing leh torti jongki,bad kadei ruh ban Pynshai ba hato shwa la ioh jingbit ne em na u Syiem ne ka Hima shwa ban shon ha kane ka kot.
Bad Kane Hi ka pynpaw ba ka tnad Pule puthi bad ka sorkar jylla kam niewkor bad burom ia ka kolshor ne riti dustur bad kumjuh iaki jinglong kyrpang ka jaidbynriew u Hynniewtrep hynniew wasa.
Kaba lyngngoh ruh ka long ba balei iaka kot pule Khasi kata ruh tang jong ki klass lll ym lah shon ha ka jylla lajong, hap da phah shon shaduh Noida, pynmih na Delhi bad sa wan die ha Meghalaya, don aiu ha lyndet jong kane ne ioh kadei tang ka buit pynlut ksan ia ka iarong tyngka ka sorkar jylla.ong u Samla Egenstar Kurkalang President BJYM Meghalaya.
