Shillong, kyllalyngkot 23: U bah keith Pariat ha dien ba u la mih na ka seng BJP, mynta ka sngi u la leit ban rung sha ka party Congress kyntup ia ki nongbud jong u u bah W.O Thangkhiew, bah William marbaniang bad u bah Sunshine Warjri.
Haba kren ha kane ka jingalang pdiang burom ia kine ki nongialam jong ka BJP na North Shillong kiba la wan rung sha ka seng congress mynta ka sngi, u Dr Celestine Lyngdoh president jong ka MPCC u la ong ba kine ki riew rangbah kila shim ia ka sin jam kaba biang eh ha ka por ba ka Ri India bad ka jylla Meghalaya ka don kam ban peit sha ka lynti kaba dei.
Ha ka jingkren jong u bah Vincent H pala u la ong ba ka party ka pdiang sngewbha ia ki sha ka party congress bad kim dei ban sngew nongwei mynta kila long ki dkhot jong ka party Congress. Ha ka juh ka por u la kyrpad ia kine ki saw ngut ba kin nym mih shuh na ka party Congress.
Ha ka jingkren jong u bah Keith parait bad ki nongbud jong u kila pynsngew ba ka jingmih noh ka jong ki na ka party BJP namar ba kam dei shuh kato ka BJP kaba mynshuwa, u la ong ba um kwah ban da kren than hynrei u la iohi ba ka don ka jingma ia ki rit paid jong ka dong shatei la mih ngi jong ka Ri India na ka jinglong jingman hapoh ka party BJP.
Na ka liang jong kitei ki saw ngut kila pynpaw ia ka jingsngewnguh ia ka party Congress kaba kila pdiang ia ki hapoh ka party bad kila ong kaba kongsan ka long ba kin trei na ka bynta ka party kane ka long kaba don kam la ong u bah keith parait. Ia kane ka jingrung congress ka jong ki la sakhi lang da u General secretary jong ka AICC u Dr CP Joshi lem bad kiwei dei ki nongialam jong ka AICC.
