Ha Jaintia Hills la ithuh da ka sorkar ia ka jingshet kyiad pyrsi, ong u myntri Excise

Shillong, Lber 18: U myntri ba dei peit ia ka tand Excise u Zenith Sangma haba jubab ia ka jingkylli jong u Dr Jemino Mawthoh, la ka sorkar ka don jingthmu ne em ban iathuh noh da ka ain ia ka kyiad pyrsi, na ka liang jong u myntri u la jubab hooid bad kane ka long ha Jaintia Hills.

U myntri u la ong ba ka jinghiar ka jingioh na ka khajana kaba dei na ka kyiad kala hiar naduh ba la khang ka NGT ia u dewiong, bad ha dien kata ka rai jong ka iing bishar ba ha khlieh duh jong ka Ri ruh kala nang ktah shuh shuh. Ka jinghiar jong ka khajana na ka T.135 klur sha ka T.125 klur.

La iathuh ruh ba shuwa ba ka iing bishar ba ha khliehduh jong ka Ri kan pynmih ia ki kyndon ha kaba ia dei bad ka jingdon ki dukan kyiad, ka jylla ka don haduh 581 tylli ki dukan kyiad hynrei ha dien ba la pyntrei kam ia ka hukum jong ka iing bisahr ba don burom ki dukan kyiad ha ka jylla ki don sa tang 296 tylli.

U myntri ba die peit ia ka kam eletrik u Bah Sngewbhalang Dhar haba jubab ia ka jingkylli jong u Dr Jemino Mawthoh halor ka jingkiew palat jong ka bai light, na ka liang jong u myntri u la ong ba ia ka bai light la phah siew katkum ka jingpyndon kam jong ki briew.

Ha ka juh ka por na ka liang jong u myntri u la ong ba ka don leh se hangne hangtai ka jingkiew palat bad lada ka don ka jingujor na ka liang jong ka MeECL ka phah ia ki briew ban peit bad ban pynbeit lada ka don kaba kum kata.

Na ka liang jong u Bah Witting Mawsor u la ong ba ka jaka ai jingsumar ha Mawieit kaba khlem ioh light mynta la saw san bnai ruh ka kiew kabai light, u John Leslee K Sangma u la ong ba ka don ka jingkiew bai light ha ka dong Eden Bari ha Tura ha kaba ki long iing baduk kiba don tang lai tylli ki bulb light ka bai light ka poi haduh T.16000, na ka liang jong u myntri u la ong ban sa peit ia kane.

Na ka liang jong u Saleng A Sangma, u la ong ba kumno ka MeECL ka phah siew bai light wat la ki don kiba khlem thang light, U tei u MLA u la ong ba kane ka jia ia u, ha u bnai Nohprah ha kaba ym don ha Shillong u la pynlip ia ka light hynrei kabai light ka kiew pynban.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet