Shillong, Iaiong 21: Mynta ka sngi ka seng “Bouncers Association of Meghalaya (BAM) ha ka kyrteng jong u bah Kennedy Warlarpih bam kwai ha dwar u blei ba dei u Vice President ka seng bala khlad ban sa dap shisnem ha u bnai Jylliew.
U Vice President ka seng u bah Nicky M Nongsiang la long ba kum ka seng kam lah ban klet ia u bah Kennedy namar u la don hapoh ka seng naduh ba sdang haduh bay n leitnoh na kane ka sla pyrthei, wat hapdeng ba ka seng ka kynduh jingeh ym shym la kynran dien hynrei u la ialam ia ka seng ban iaid sha khmat hapdeng ki jingeh.
La ong ba ki dkhot jong ka kane ka kynhun BAM kila jop ia shibun ki jingialehkai ha ki bynta bapher bapher ha kaba kila wn rah burom ia ka jylla, dei halor kane ka nongrim ba ka seng mynta ka sngi kala pynkup burom ia ki saw ngut ki dkhot kiba la wanrah nam ia ka jylla, kane ka long ban rakhe ia ka jingdap shisnem jong ka jingkhlad u Vice President.
Ha kane ka sngi la pynbna ruh ba ka seng BAM kan pynlong ia ki jingialehkai Basket Ball bad Cricket ia kane kan long tang na ka bynta ki Nongmalki ia mynta namar ba kim pat lah ban pynlong ia ki jingialehkai kiba kham heh.
