New Delhi, K.Lyngkot 25: Ha ka jingrakhe ia ka “Republic Day kaba 72nd ” kala don ka jingpynkup burom ia ki kynhun pulit na ka ophis jong u president ka Ri India, kawei ka dei ka “President’s Police Medal” kane ka long na ka bynta ki kam shlur kiba kyrpang bad kawei ka “Police Medal” kane pat ka long halor ka jingtrei bha jong ki ha ka kam.
Ha kane ka jingrakhe ia ka “Republic Day kaba 72nd” na Meghalaya kila don san ngut ki pulit kiba la shah pynkup burom ha u president ka Ri India, u wei u la shah pynkup burom da ka “President’s Police Medal” bad lai ngut kila shah pynkup burom da ka “police Medal”
U bah la shah pynkup burom da ka “President’s Police Medal for Distinguished Service” u dei u Timenson K. Marak, AB Constable, 1st MLP Bn., Mawiong katba ki lai ngut, u Digreathson G Momin Assistant Commandant jong ka 2nd MPL Bn Goeragre, Tura, u Madalu Ram AB- Inspector, 4th MLP(2nd IRBN) Sohpian, Nongstoin (i/c trg. branch), bad u Cliffhilberth B Sangma, Assistant Sub-Inspector , o/o. co. 5th MLP Bn, Samgong, Williamnagar kila shah pynkup burom da ka “Police Medal for Meritorious Service”.
Katba na ka tnad pyntlip dieng ia ka khusnam “Fire Service Medal for Meritorious Service” la ioh da u bah Wanlambok Lapang, Leading Fireman, Fire & Emergency Service, Meghalaya.
Mynta u snem baroh ki pulit kiba la shah pynkup burom ha ka Ri India baroh kawei ki don 946 ngut, na kine 2 ngut ki shah pynkup burom da ka President’s Police Medal for Gallantry, 205 ngut da ka Police Medal for Gallantry, 89 ngut da ka President’s Police Medal for Distinguished Service bad 650 ngut da ka Police Medal for Meritorious Service.
