Shillong, Nailur 04: Ka shnat jong ka KSU Bangalore Unit kan sam ia ki khusnam sha ki samla pule kiba pule ha katei ka nongbah ha u bnai Nohprah na ka bynta kiba kiba pass bha bad kane kan long naduh ka klass X sha jrong.
Na ka liang jong ka KSU Bangalore Unit kala buh ia ki kyndon ha kaba ia dei bad ka jingsam ia ki khusnam, na ka bynta ka klas X bad klass XII ki samla pule ki dei ban ioh 80% sha jrong. Kiba pule ia ka engineering, Medical bad para medical bad Law pat ki dei ban ioh 75% shaneng.
Kiba pule bad kiba la pyndep ia ka Degree bad ia ki Diploma ki dei ban ioh 80% sha neng, Kino kino ki samla pule kiba la ioh ia ka persentage kumba la kdew haneng kin pynpoi ia ki kot ki sla jong ki shuwa ka 01.12.2018 ha kine ki number 8974256738 / 9742193907.
Ka seng ka leh ia kane ka long da ka jingthmu ban kyntiew ia ka pule puthi da kaba ai ia kane ka khusnam kum ka jingkyrkhu kyrdoh ia ki ba kin dang trei shitom, la ong u general secretary jong ka Bangalore unit.
