Halor ki kam ker ksainar shiah kynduh ka ‘Suppervisory Committee’ ka SC ia ki heh sorkar

Shillong, Risaw 13: Ka Supervisory Committee kaba la thung da ka iing bishar ba ha khliehduh jong ka Ri India ka SuprSC Committeeeme Court ban peit ia ka jingker ksianar shiah ha khappud India bad Bangladesh kane ka kynhun kala leit ban jngoh ia ka Dawki bad Baghmara ban lap ia ka jingtrei kala iaid haduh kattno.

Kane ka Supervisory Committee kala leit ban jngoh ruh ia ka ktem jong ki Border Security Force ha  Baghmara ban lap ia ka jingtrei ha kaba ia dei bad kane ka jingker ksainar shiah hapoh ka jingialam jong u A K Mangotra, IAS (Retd), u ba dei ruh u secretary ba rim ba dei peit ia ki kam khappud kum u Chairman kane ka committee ha kaba la don lang u D K Pathak, IPS (Retd.) u DG BSF ba rim bad u Dr Abdul Mannan, u nonghikai ba la shong thait na ka kam hikai hapoh jong ka Guwahati University professor. U  H K Lohia, IPS, IG BSF(HR), Eastern Command, Kolkata ruh u la wan lang ban synran ia kane ka kunhun.

Ha kane ka jingwan kane ka Committee kala ia kynduh ia u Bah S Khardyngdoh,IAS Secretary ba dei peit ia ka tnad kam poh iing jong ka sorkar  Meghalaya, u Bah P S Dkhar,IAS District Collector, jong ka  East Khasi Hills, ha kaba la don lang ruh ki heh sorkar na ka tnad khlaw, ki briew jong ka NBCC, NPCC bad CPWD.

U Dr. Sabu A Joseph, Dy Inspector General bad PSO u la batai ia kane ka committee ha kaba ia dei bad ka jinglong jingman jong ka jingker ksainar shiah ha kane ka jylla Meghalaya ha khappud bad ka Bangladesh, ka jingpyntrei ia ki floodlights. Kane ka committee kala ia kynduh ruh ia ki riew paidbah, ki pulit ki Customs bad kiwei kiwe ki kynhun. Kane committee kala shah ha kane ka jylla lai sngi.

 

 

 

 

 

What Next?

Recent Articles

Leave a Reply

Submit Comment
*