Shillong, Lber 28: U Bah PN Syiem CEM jong ka KHADC ha dien ba la ioh ia ka jingmynjur na u Lat ka jylla ia u Bah Latiplang Kharkongor MDC jong ka Nongthymmai ban long u EM, u la bate kam ia u da kaba aiti ha u ia ka kam Elaka.
Haba kren ha ki nongthoh khubor ha kane ka sngi kaba u Bah Latiplang u la leit ban shimti ia kane ka kam EM hapoh jong ka KHADC u la ong ba ka jingangnud ka jong u ka long bay n ialeh ban pynbeit ia ki pud ki sam ha pdeng ki para hima namar kumba ka long mynta ki don bun ki hima kiba don ha pdeng ka jingiakajia pud.
Haba ia dei bad ka jingong ba ki jaka raid mynta kila don sa tangkumba 25% kane ka long kaba ym lah ban pdiang na ka liang jong u kum u EM ba dei peit ia kane un hap ban tip shai la ka long kaba shisha ne em kane ka jingong. Ka jingkylli ka long sha ei ki jah kito ki jaka raid kiba juh don baroh shikatta, ki jaka jong ki kur.
La ong ban a pdeng ki hima ki don kiba la don ia la ka jong ka ain ka jong ki bad kum juh ia kyndon trei kam jong ki hima, hynrei ki don pat kiba khlem pat don, ia kane ka bynta ruh ym sa shim khia ban peit ba baroh ki hima kidei ban don ia ka ain bad ia ki kyndon trei kam.
