Hapdeng ka shnong Kenbah bad ka shnong Phlangwanbroi ka don ka krem Pubon

Shillong, Nailur 01: Ka thain Mawsyram ka dei ka thain kaba don shibun ki krem kaba lah ban khring ia ki nongwan jongohkai pyrthei, nalor ka krem Mawjynbuin kaba la don ha Mawsynram, ka krem Damum kaba ki nongleit jngohkai pyrthei kim pat juh leit.

Dangshen ka Krem Puri kaba la lap ba don sha rum Mawsynram ha kaba ki briew na kylleng kila sdang ban poi jngohkai ia kane ka krem. Kaba don kam ha kane ka jaka ka long ba la don kam ia ka lynti iaid kjat kaba kham bha ban poi sha krem.

Kawei pat ka krem ia kaba la tip kyrteng kum ka krem Pubon kaba don ha pdeng shnong Kenbah bad ka shnong Phlangwan broi ia kaba u MLA bad MDC barim jong ka Mawsyram u bah DP Iangjuh u la pynshna da kaba ker sawdong ia kane jaka.

Ha shnong Kenbah mar jan bad kane ka krem Pubon ka don ka jaka lum kynjoin ha kaba la shna ia ka “View Point” ha ka por ba long nongmih khmat u Bah DP Iangjuh bad kane ka jaka ka long kaba lah ban ioh kdar ia ka ri thor jong ka Ri Bangladesh.

Ban pynbha ia kine ki jaka jngohkai hapoh ka shnong Kenbah ia kaei kaba la tei mynshuwa, la don kam ban maramot ia kine ki jaka ban khring ia ki nongwan jngohkai pyrthei ha katei ka thain kiba hap hapop ha Hima Malai.

What Next?

Recent Articles

Leave a Reply

Submit Comment

*