Shillong,
Kyllalyngkot 02: Mynta ka sngi saw ngut ki MLA kila hiar shuki noh na ka iing dorbar thawain ka jylla ban leit ban pyniasoh ia lade bad ka seng bJP, ha kaba la pdiang burom ia ki sha ka seng ha ka jingialang kaba la long ha Golf link mynta ka sngi.
Kine ki saw ngut kiba la leit ban pyniasoh sha ka BJP mynta ka sngi ki long u bah AL Hek dei na ka seng Congress , bah Sanbor Shullai na ka seng NCP, bah Roninus Syngkong bad u bah Justine dkhar ki dei ki Independent.
Ia ki la pdiang burom myntri khynnah ka sorkar pdeng u KJ Alphons bad kiwei ki nongialam jong ka seng BJP, ha ryngkat ka jingiadon lang ki paidbah nongkyrshan jong kitei ki saw ngut ki MLA kiba la pyniasoh bad ka BJP Mynta ka sngi.
Kine ki saw ngut kila leit ban hiar shuki shuwa bad kisa leit ban pyniasoh bad ka seng BJP mynta ka sngi. Ha kane ka sngi na ka liang jong ki party BJP khamtam ha ka jingkren jong u myntri khynnah ka sorkar pdeng u KJ Alphons u la ong ba ka party BJP kan sa wan ha ka bor ha kane ka jylla Meghalaya.
Na kine ki saw ngut ki MLA kiba la kren ha kane jingialang paidbah ki long u bah AL hek u ba la mih na ka BJP ha u snem 2009 bad rung sha ka Congress bad mynta u la wan phai biang sha ka BJP ha dien ba u la iaid sakma, u bah Sanbor Shullai u ba la bat teng ia ka kam deputy Speaker hapoh ka iing dorar thawain ka jylla.
Na ka liang jong ki nongialam jong ka seng BJP nalor u myntri khynnah la don lang u General secretary ka party y Ram Madhav, u Himanta Biswa Sarma myntri ka sorkar Assam.
