Shillong, Nailur 30: Ka Hynniewtrep Youth Council (HYC) kala thoh sha ka Deputy Commissioner jong ka South West KHasi Hills District ban dawa na ka sorkar ba ia ka quest house jong ka sorkar ia kaba la ai kyrteng ka “Circuit House” kaba don ha Mawkyrwat dei ban jer kyrteng noh da ka “Sngap Singh Syiem House”.
Ka jingdawa jong ka HYC ban ai nam ia u tei u Syiem ba khraw jong ka Hima Maharam namar u dei u Syiem u ba khatduh u ba la ia khun bad ki phareng ban lait na ka jingshah the mraw ha ki nongwei. Kala dei ka burom ba ka sorkar kan pynsah nam ia une u riew shlur bad khlawait jong ka Hima da kaba jer kyrteng noh ia kane ka iing ha ka nam ka jong u.
Ia kane ka juh ka shithi kaba la phah sha ka ophis jong ka Deputy Commissioner jong ka South West Khasi Hills District la phah ruh sha ka ophis jong u Syiem jong ka Maharam, ia kane ka shithi la soi da u President jong ka HYC u bah Wallambor Nongsiej.
