Shillong, Iaiong 28: U Bah Pynshngianlang Syiem Chief Executive Member (CEM) jong ka KHADC u la ong na ka liang jong ka ophis ia ka arrear jong ki nongtrei ka ophis kan siew khyndait khyndait katkum ka jingdon jong ka pisa, ha dien ba la pyntrei kam ia ka tulop kaba thymmai na ka bynta jong ki nongtrei.
La iathuh ba da kaba pyntrei kam ia kane ka tulop kaba thymmai ka jinglut tam na ka bynta ka KHADC ha ka shibnai ka long hapdeng T. 60 lak haduh T.70 lak , ka tulop jong ki nongtrei ha ka shibnai kala kot sha ka T.2.5 klur tyngka. Ha ka tulop kaba rim ka jinglut ha ka shibnai ka long T.1.80 Klur.
Haba phai sha ka arrear, ne kata kaba pisa kaba sah jong ki nongtrei ka KHADC kan siew khyndait khyndait katkum ka jingdon jong ka pisa, u la ong ba ka sorkar ruh ka siew khyndait khyndait ia ka arrear kaba dei jong ki nongtrei sorkar.
