Shillong, Naiwieng 20: U Lat jong ka jylla mynta ka sngi u la ong ba na ka bynta ka jingtip jong ki paidbah, la ong ba ia ka jingthoh kaba la ai da u Bah Madal Sumer na Jowai ban dawa mait kyrteng ia ki 17 ngut ki MLA la dep phah sha ka Election Commission jong ka Ri India hapoh ka riti synsahr kaba 192(1) ia kaba la ioh pdiang da ka ophis jong u Lat ha ka 13.11.2017.
Hynrei kumba kala paw ha ki lad pathai khubor ha ka 16.11.2017 kala poi sha ka jingtip jong u Lat ba ka dang sah ha kti jong u Lat kane ka jingujor. Na ka liang jong ka ophis jing u Lat ka jylla kala pynmih ia kane ka jingpyntip paidbah ba ia ka rai ka jong u Lat ban pan jingpynshai na ka Election Commission katkum ka riti synshar 192(2) la dep ban phah sha ka Election Commission jong ka Ri India ha ka 16.11.2017.
