Ia ka Weighbridge ha Tamukuchi ka sorkar kala pynduh, thew ia ki kali ha Shangbangla

Shillong, Rymphang 09: U Commissioner jong ka tnad ka kit kabah jong ka sorkar jylla Meghalaya u la pyntip paidbah ba ia ka Weighbridge kaba don ha 13^th Miles Tamulkuchi ha Ri Bhoi District ka sorkar kam ithuh shuh ia ka.

Na ka liang jong ka sorkar kala ai ka jingithuh ia ka Weightbridge kaba don ha 25^th Miles ha Shangbangla na ka bynta ban thew ia ki kali ba kit jingkit kiba iaid ha ka surok bah NH-40. Kane ka long ka jingpyntip ia baroh ki trai kali bad ki nongniah kali.

Na ka liang jong u Commissioner jong ka tnad ka kit ka bah u la ban jur ba baroh ki kali kiba kit jingkit ki dei ban thew ha 25^th Miles Shangbangla ia ki kali kaba don ha Ri Bhoi District bad ban peit bniah ia ki kot ki sla ban pynthikna ba ki kali kin kit katkum ka jingbit kaba la buh da ka sorkar.