Ia kynduh ka KSU ia u DHS dawa ban plie noh ia ka sub centre ha Nongkynbah

Shillong, Risaw 18: Ka KSU Nongkynbah Area UKSU Nongkynbahnit ha kine ki sngi  ka la leit ban iakynduh ia u Director of Health Services  Medical Institutions  u Dr. T.S Nongkhlaw ban dawa ba dei bad pynsngew sha ka Health Department ba ka la dei ka por ban plie bad pyntreikam noh iaka Nongkynbah Health Sub Centre.

Iaka kynhun jongka seng la lamkhmat da u Samla Gomelson Snaitang,  President KSU Nongkynbah Area Unit haka jingiadon ryngkat lang jong u Samla Forwardman Nongrem,  President,  KSU South West Khasi Hills District.

Ha kane ka jingleit iakynduh ka seng ka la pynpaw iaka jingsngewkhia halor ka jingbymlah jongka sorkar ban plie ia kane ka Sub Centre watla dep ban shna iaka naduh u snem 2014. Kane ka Sub Centre kan kynthup hapoh jongka iaki lai tylli ki Shnong kum ka shnong Sarin,  Nongpdengkynbah bad Nongkynbah ha kaba ka jingdon ki paitbah nongshong shnong ka la long kumba 2000 ngut eiei.

Kine ki Shnong kumba long mynta ki hap hapoh ka jingpeit jongka Mawpud Health Sub Centre ka shnong kaba ki hap ban iaid kjat haduh 4 kynta ban poi. Shuh shuh,  ka seng ka la pynpaw ruh ha u Director ba dei ban plie noh bad pynhap ruh iaka hapoh ka Rangthong PHC namar ka dei ka shnong ba jngai tang kumba 10 Kms tam namar kan Shem shitom iaki paitbah ba kin leit hiar haduh Ranikor kaba jngai haduh 50kms eiei.

Na ka liang jong u Director u la kular ban Peit bniah halor kane ka bynta bad ban thawlad ruh khnang ba yn lah ban pynioh ia ki post ba dei ban don hapoh ka Sub Centre.  La ong u Bah Gomelson Snaitang,  President KSU Nongkynbah Area Unit

 

What Next?

Recent Articles

Leave a Reply

Submit Comment

*