Ia kynduh u Dr Mukul ia u Modi ha ALG, pep haba plie iaka surok Shillong-Nongstoin sha Tura

Mr PM ModiShillong, Nohprah 16: U Myntri rangbah ka jylla u Dr Mukul Sangma u la ia kynduh ia u myntri rangbah duh jong ka Ri u  Narendra Modi ha Airforce Landing Ground ha Upper Shillong, hynrei u khlem ia don lang pat ha kaba u Myntri Rangbah Duh u plie paidbah ia ka surok na Shillong-Nongstoin bad sha Tura ha Indoor sport training centre ha  Polo.

U Myntri Rangbah Duh jong ka Ri u Narendra Modi shuwa ban un leit sha ka jingialang paidbah jong ka party BJP kaba la buh ha madan Polo u la plie shuwa ia kane ka skul na Shillong-Nongstoin bad sha Tura, kiba la don ha kane ka jingplie ia kane ka surok la don u Lat jong ka jylla u Ganga Prasad, u MP jong ka Tura u Conrad K Sangmabad ki myntri jong ka sorkar pdeng.

Ha u mawthoh kyrteng ba ia kane ka surok la plie mynta ka sngi da u Myntri rangbah duh jong ka Ri India, la thoh ruh ia ka kyrteng jong u myntri rangbah ka jylla u Dr Mukul Sangma, u PWD Minister u Martin M Danggo, u MP jong ka Shillong u Bah Vincent H Pala bad ia ka MP jong ka Rajya Sabha ka kong Wansuk Syiem hynrei kine kim shym la don lang ha kane ka jingplie ia kane ka surok.

Ha ka jingkren jong u Myntri Rangbah Duh jong ka Ri India ia kane ka surok u la ong ba ka jinglut haba shna ia kane ka surok kala kot sha ka T.2300 klur tyngka bad da ka jingdon kane ka surok mynta kan pyndun ia ka leit ka wan na Shillong sha Tura da 8 kynta. Mynshuwa ban leit sha Tura ka shimpor kumba 15 haduh 16 kynta bad mynta kan shim pot noh tang 8 kynta. Kane ka surok ka jrong haduh 261 KM.

What Next?

Recent Articles

Leave a Reply

Submit Comment
*