Shillong, Kyllalyngkot 08: Ka jingangud ban ioh noh la ka jong ka madan ialehkai ha ka Dong Mawsohlur, kawei na ki kyntoit kaba hap hapoh jong ka Shnong Mawpyrshong, kadei kaba ki Khun samla bad ki Paidbah Nong Shong Shnong kila angnud la slem bah hynrei ha ka 5th January 2018 ki paidbah Nong Shong Shnong da ka dur khmat kaba phuh samrkhie kila iatuid paidbah sha ka Jingialang Plie paidbah ia ka Madan ialehkai ha katei ka Dong Lyngba ka jingshimkhia jong u Bah Banteidor Lyngdoh (Bah Pai), MDC Mawkynrew Constituency ban ai jingiarap 4.5 Lak Tyngka lyngba ka Special Assistance Scheme ia kaba la mang kyrpang na ka bynta ki kam pynroi lyngba jong utei u Nongmihkhmat.
Haba kren kum u Kongsan ha katei ka sngi u Bah Banteidor Lyngdoh,MDC Mawkynrew Constituency u la ong ba kum u MDC ha i bor iba rit ka long kaba eh than ia u ban ai shibun ki jingiarap lyngba ki kam pynroi, hynrei u la ong pat ba kum u Nongmihkhmat um lah satia khlem da pyrshang ban wad ia ki lad ki lynti haba ka kam ka dawa na ka bynta ka jingbit jingbiang jong ki Paidbah Nong Shong Shnong kiba hap hapoh jong ka Mawkynrew Constituency.
U Bah Banteidor Lyngdoh u la ong ruh ba ha ka jinglong MDC ka jong u, u la pyrshang kat lah kat iai ban ai bynta lut ia baroh ki Dong bad ki Shnong ki bapher bapher ha ka Constituency hi baroh kawei kam pher wat la i long makna i jing iarap iba rit hynrei kiei kiei baroh kidei ban long haba shit haba shai ha ryngkat ka jing ia sngewthuh jingmut lang naduh ki Nongsynshar Shong, Ki Khun samla bad kumjuh ruh ki paidbah Nong Shong Shnong, ha kaba ula kyntu ruh ia ka Mynsiem jong ka Jingiatreilang ban pynjop donburom ia u ha ka Election MLA kaban sa long shen khnang ba ki jing angnud kiba bun ban wanrah ia ka jingkylla kin urlong.
Ha katei ka Jingialang Jingialang Plie paidbah ia ka Madan ialehkai la ia sakhi lang don ryngkat jong ki Nongkit kam shnong bad kumjuh ruh ki paid nongshong shnong naduh ki long Kmie ki longkpa bad ki Khun samla jong ka Shnong kiba la pynkup burom ruh ia u Bah Banteidor Lyngdoh, MDC Mawkynrew Constituency da u Paila. Ki riew Rangbah kiba la ai jingkren ha katei ka sngi ki kynthup ia u Bah Ritswel Kharsati, President, U Michael Sohtun , Secretary, U Bah Kroi Sohtun uba dei ruh u Rangbah Kur barim jong ka kur Sohtun Ki Nongialam jong ka Sports Club Sohtun Mawsohlur, Mawpyrshong bad kiwei kiwei kiba la pynpawa ba ki long kiba kloi ban trei shitom bad kumjuh ruh ban trei borbah ban pynjop donburom ia u Bah Banteidor Lyngdoh ha ka Election MLA kaban sa long shen.
