Shillong, Iaiong 15: Ha ka por shiteng sngi mynta ka sngi u phria u la lynshop ia ka thain Laitlyngkot bad ka jingjulor kaba la shah ktah eh ha kane dei kiba rep phan ha ka tei ka thain.
Katkum ki jingtip kiba la lah ban ioh la iathuh ba kane ka jinglyngshop jong u phria mynta ka sngi kala ktah ruh ia ka thain Mylliem lum bad ki bynta jong ka Pomlakrai ruh, kaba la jubor eh ka dei ka thain Laitlyngkot.
Kane ka jinghap jong u phria kala ktah ruh ia ka thain Smit kaba dei ka jaka ba ki briew ki im na kaba rep ba riang bad ka jingshah ktah na kane ka jinghap jong u phria kiba bun eh dei ia u phan namar mynta ka dei ka por jong u phan.
Na ka liang jong ki nongrep kila pynpaw ba kane ka jinglynshop jong ka mariang mynta ka sngi kan ktah shibun ia u phan namar u dang dei ha ka por ba u dang hap ban san namar tang ha u bnai ban wan la dei sa ka por ban tih.
