Shillong, Jymmang 23: Ka FKJGP Upper Shillong Circle hadien ka jing peitngor mynta la katto katne por naduh ba la sdang repair biang ia ka surok bah Upper Shillong naduh 7mer ter ter shaduh ki bynta hashwa ban poi Lummawbah da kawei ka Company kaba la Tip Kum ka Dhar Construction watla katei ka surok bah kam pat da i donkam than ban pynbha hynrei namar ba kum ka Seng kam ju kwah ban shu balia siang sdieh lane ban tuklar ia ki bynta kiba iadei bad ka roi ka par ha ka thain ia kaba la leh da ka Sorkar Jylla namar kum ka Seng ka Sngewthuh shai ba ka Surok bah Upper Shillong ka long kum kawei na ki Surok bah kaba donkam tam namar kiba bun ki Heh ki Hain kiba ju hiar da ki Helipad ha 7mer Upper Shillong ki ju iaid nba kane ka surok bah ban poi sha Sor Shillong.
Kaba pynlong ngoh ia ka Seng ka long ba watla ka jing maramot biang ia ka surok bah Upper Shillong mynta tang shibnai ruh ym pat don satia hynrei kiba bun ki bynta jong katei ka surok ki la khoh bad pei thliew lut kaba la nang pyn sniewdur shuh shuh bad kala ktah ruh ia ka iaid ka ieng khamtam ha ki bynta naduh Laimer Shiteng haduh shwa ban poi ha Gorkha Secondary School, bad kaba la wanrah jingma ia ka jing ia tyngkhuh kali kaba khah khah khamtam eh ia ki Thuk Thuk lane ki kali Ar shaka.
Kumta ha ka 23th May 2017 ki Nongialam jong ka Upper Shillong Circle hapoh ka jingialam jong u Samla Kitboklang Nongphlang, FKJGP President Upper Shillong Circle ha ryngkat ka jing ia donlang u Bah Y. Lyttan, SDO PWD Road, National High Way Division ki la pynlong ia ka jing leit jurip ia baroh ki bynta jong ka Surok bah Upper Shillong ba dang shu dep siang rong dang shen da ka Company Dhar Construction, ha kaba na ka liang jong ka Seng kala dawa na ka Tnad PWD ba kadei ban hukum mardor ia ka Company Dhar Construction ba ka dei ban repair biang ia ki bynta kiba la jot hynrei ka seng kala buh kyndon pat ba ka Tnad PWD kam dei ban shu pyn syrwa kai ia ka Pisa jong ka Sorkar Jylla ban buria ia ki jinglut jingsep namar kine kiei kiei baroh ki wan jia namar ka jing thurmur jong ka Company.
Haba kren sha ki Lad Pathai Khubor na ka liang jong u Samla Kitboklang Nongphlang, FKJGP President Upper Shillong Circle u la ong ba kiba bun ki Surok Bah ha ka Jylla la shu trei beit tang da kata ka Company Dhar Construction, “Hooid kum ka Seng Ngim don jing pyrshah ei ei ruh em lada ka jing trei jong katei ka Company ka lah ban ai ia ka Work Quality kaba biang, Katei ka Company kadei ban tip bad sngewthuh shai ba ka Surok bah Upper Shillong lane ka Tnad PWD kam dei satia ka Nongkynti jong ka Dhar Construction ba kin shu trei torti katba mon, da kaba bynrap shuh shuh ba mano ban tip wat ia ka Bill ruh la shu Draw katba mon namar ba ki Contractors kiba bun ha kine ki sngi ki ud ki nam ba ym ioh kam satia bad wat ia ki jingtrei kiba ki la dep trei mynta da ki Snem ruh ym ioh Bill satia” .
U Samla Kitboklang Nongphlang u la ong ba ka Seng kan iaid buddien halor kane ka jing shna ia ka Surok da katei ka Dhar Construction Company bad lada jia ba ki dang leh Kuman ban pyn slem ia ka jing pynbha nalor ba kila pynjot ka Seng kam banse wat haduh ban da poi shaduh u Pud ban File da ka PIL pyrshah ia katei ka Company, la ong u Bah Mac Donald Kharkongor Vice – President FKJGP, Upper Shillong Circle ha ka kyrwoh ba la phah mynta ka sngi.
