Shillong, Kyllalyngkot 06: U myntri rangbah ka jylla Meghalaya u Cornad K Sangma u ba dei u u khlieh jong ka seng NPP, ha ka jingialang paidbah ha Mawsynram Dongeng u la kynthoh ba kala don ka jingbym hun hapoh ka seng Congress ia ka jingleh don bor u Dr Mukul K Sangma kum u nongialam.
Ha kane ka jingialang paidbah, na ka liang jong u nongialam jong ka NPP, u la ong ba ka congress kala leh bym suidniew ia u Dr DD Lapang u la ba don ha ka party la 40 snem. Ha kane ka jingialang paidbah u la kynnoh ruh ba dei ka rukom treikam jong u Dr mukul ha ka por ba u long myntri rangbah u ba la pynbna shibun ki kam khlem da peit na ei ka pisa kan wan.
Kaba kham pynlyngoh na ka jingtrei kam baroh kadei kata ka “Rice Mission” kaba khlem don haei haei ruh ia kaba la pynlut palat klur ka pisa na ka bynta kane ka kam, la kynthoh u Conrad ha kane ka jingialang paidbah.
Haba ia dei bad ka jingeh halor ka jingkhang tih dewiong, u myntri rangbah u la ong ba kane ka sorkar MDA hapoh kine ki shiphew bnai kala ia kynduh ia ka sorkar pdeng ban weng ia ki jingeh la shiphew sien katba ka sorkar jong u Dr Mukul kam shym la leh ei ei ban weng ia ka jingeh.
Kiwei kiba la kren ha kane ka jingialang ki long u PN Syiem u ba la phet na ka seng PDF kaba u la seng bad leit sha ka NPP, ha kaba u la ong ba u iohi ba hapoh ka jingialang jong u Conrad ka don ka jingmyntoi na ka bynta ka dong shatei la mih ngi jong ka Ri India. U Dr DD Lapang ruh u la kren ha kane ka jingialang.
Ha kane ka jingialang u Conrad u la pynbna paidbah ruh ba u bah Alvin K Sawkmie un long u kyrtong jong ka NPP napoh ka Mawsynram Konstitwensi ha kane ka MDC ilkeshon. Ha kane ka sngi ki nongkyrshan jong ka PDF na ka Mawsynram kila pynisoh noh ia lade sha ka NPP.
