New Delhi, Naitung 01: U myntri ka sorkar pdeng ba deipeit ia ka ministry Chemicals & Fertilizers bad Parliamentary Affairs, u Ananthkumar u la ong ha ki lad pathai khubor ba ia ka khajna jong ka Dawai sboh naka bynta jong ki nongrep la pynhiar na ka 12% sha ka 5%, ia kane ka rai la shim na ka bynta ka jingmyntoi jong ki nongrep la ong u myntri ka sorkar pdeng.
U Ananthkumar, u la ong ba da kane ka jingpynhiar ia ka khajna ha kane ka GST kala pynhiar ia ka sboh dawai sha ka T. 5909/ tyngka ha ka shitom bad ha ka 50 kilo kan long tang T. 295.47 tyngka ha kaba ia nujor bad kador kaba long baroh shikata .
Da ka jingpyntrei kam ia ka GST kane ka dor jong ka sboh dawai kan long ka juh ka dor ha ka Ri baroh kawei bad da kane ka jingleh jong ka sorkar kan khanglad ia ka jingiadei tuh ia ka sboh dawai na kawei ka jylla sha kawei pat bad da kane ki paidbah kin sngewthuh ia ka jingangnud jong u myntri rangbah duh jong ka Ri “ Kawei ka Ri, kawei ka Iew la ong u Ananthkumar.
