Shillong, Lber 10: U Bah Fredric Roy Kharkongor Chief Electoral Officer jong ka sorkar Meghalaya u la ong ba ka “Model Code of Conduct” kala trei kam naduh mynta ka sngi bad la shai ka sngi khot ia ka Video Conferencing bad baroh 11 ngut ki DC ban pyntip ia kane ba la pynbna ia ka MP ilekshon sha Lok Sabha.
Haba jubab ia ki jingkylli ha kaba ia dei bad ka dorbar mang tyngka jong ka jylla kaba dang iaid mynta sha khmat, na ka liang jong u CEO u la ong ba kane ka jingpynbna ilekshon kan nym ktah ia ka jingshong dorbar jong ka jylla, hynrei ka sorkar kan nym lah shuh ban pynbna kino kino ki skhim thymmai.
Haba ia dei bad ka jingmang tyngka u la ong ba ka sorkar ka hap ban leh namar ki don ruh kiwei kiwei ki jinglut kiba ka sorkar kan hap ban pynlut, hynrei u la kren shai ba ka jingkhang kan long beit thik ba ka sorkar kan nym lah ban pynbna kano kano ka skhim thymmai.
