Shillong, Nailur 28: Ka Election Commission jong ka Ri India mynta ka sngi kala pynbna ia ki elekshon shiteng samoi ha ki jylla bapher bapher jong ka Ri, kyntup ia ka jylla Meghalaya ha ki lai tylli ki Assembly Konstitwensi ba ka elekshon kan long ha ka 30th Risaw 2021.
Katkum ka jingpynbna kaba la pynmih na ka ECI jong ka Ri India mynta ka sngi ka long ba ia ka ielshon shiteng samoi ha ki lai tylli ki konstitwensi ha Meghalaya, ka 13-Mawryngkeng (ST), ka 24-Mawphlang bad ka 47-Rajabala Assembly Konstitwensi.
Ia ka tarik ban pynlogn ia ka ilekshon yn pynbna ha ka 1.10.2021, ka jingiathep kyrteng kan sdang ha ka 8.10.2021 haduh ka 11.10.2021 bad ka jingbishar bniah ia ki ki kot thep kyrteng ruh kan long ha ka sngi kut thep kyrteng bad kiba kwah ban weng na ka jingiakhun kan long ha ka 13.10.2021.
La buh ba ka sngi ban thep vote ban jied ia ki nongmih khmat kan long ha ka 30.10.2021, ka jingniew vote kan long ha ka 2.11.2021 bad ki jingpynbeit ia ka kam ia ka ilekshon baroh dei ban pyndep shuwa ka 5.11.2021.
