Ka JACSLBA kan kyrshan ia u Bah Pious kyrtong ka UDP na ka Ranikor Constituency

Shillong, Nailur 14: Ka Joint Action Committee South Lyngngam Border Area (JACSLBA) kala pynbna paidbah ba kin ai ka jingkyrshan ia u Bah Pious Marwein kyrtong ka UDP ha ka Election MLA ha u snem 2018 na ka 35-Ranikor Constituency.

Ha ka kyrwoh kaba la phah da u Bah u Bah W G Dkhar Chairman bad u Bah C Nongbri  Secretary jong ka JAC South Lyngngam Border Area, kumba kila ia rai ha ka jingialang paidbah kaba la long ha ka 26th Nailar ba kin ai ka jingkyrshan ia u kyrtong ka UDP, ka JAC ka iengskhem ha kane ka juh ka nongrim ba kin ai kajingkyrshan kaba pura ia u kyrtong ka UDP u bah Pious ha ka MLA Election 2018.

Na ka liang jong ka JAC ha dien ba kala ioh sngew ba ki don ar ngut ki riew rangbah na ka thain ki ban ia khun ia ka MLA Election ha u snem 2018, kala khot ia ka jingialang jong ki riew rangbah ka thain ha ka 15th Nailar 2017 ha Nongumsur ha kaba ka JAC kala khot lang ia u Bah Airmarhsal Diengan bad ia u Bah Pious Marwein ban ia kren mar khmat ban ia shai ha kaba ia dei bad kane ka kam Election.

Dei ha katei ka jingialang ba u bah Airmarshal u la pynbna ba un rung noh sha ka seng UDP dei halor kane ka jingkular ka jong u la pynbeit ia ka jingialang paidbah ha ka 26 tarik Nailar 2017 hapoh ka iing dorbar kur Nongtynger ha Nongjri ban pdiang burom ia u tei u riew rangbah bad ia ki nongkyrshan jong u ha katei ka sngi.

Ia kane ka jingialang pdiang burom ia u Bah Airmarshal sha ka UDP la pyniaid da u Bah G G Bung General Secretary Ranikor Circle ha ka jingiadon lang  ruh da baroh ki president, secretary Ranikor circle jong ki Unitbad ki zone jong ka Ranikor Constituency. U Vice president jong ka Circle u Bah Commander Shangpliang na Mawkyrwat, ki president, ki don ruh ki president ba rim kiba la shah pdiang burom  kum u Bah J J Hashah, u Bah C Nongbri, u Bah M S Nongbri u Bah L Pariong, u Bah N Marwein, u Bah J C Diengan bad u L Sangma nalor jong kine baroh la pdiang burom ha ryngkat ka jingiadon  ki dkhot ba ha khlieh duh  jong ka party UDP u Dr Donkupar Roy , u Bah Bindo M Lanong, bad u Bah Alan Dkhar.

Hynrei kaei kaba la pynsngew lyngngoh  ka long ba ha dien ba ka party UDP Central Body kala pynbna bad ai tiket ia uBah Pious Marwein kum u kyrtong  jong ka UDP na ka 35-Ranikor Constituency kala pynlyngoh ban iohi ha ki lad pathai khubor ba u Bah lieh  Airmarshal Diengan u ba dang don tang 11 sngi hapoh ka party UDP u la pynbna ban ia khun ha ka election MLA 2018  tang namar ba ym shym la ioh tiket  na ka party UDP.

Kane ka jingleh jong u ka pynishai ba u dei u riew rangbah u bym shem la bat ia ka juban lak kaba u la khlei sha ka JAC  bad ki paidbah jong katei ka thain. Na ka liang jong ka JAC South Lyngngam Border area  kan ai ka jingkyrshan ba pura ia u kyrtong ba la pynbna da ka party UDP u Bah Pious Marwein ba un long u kyrtong ka seng UDP na ka Ranikor Constituency khang ba un ioh ia ka jingjop ba don burom haka MLA Election 2018. Kane ka long katkum ka kyrwoh kaba la phah da u Bah W G Dkhar Chairman bad u Bah C Nongbri Secretary jong ka JAC South Lyngngam Border Area.

What Next?

Recent Articles

Leave a Reply

Submit Comment
*