Shillong, Jylliew 11: U President jong ka seng Raij Jowai u la iathuh ba ka jingleh niam Behdeinkhlam kala sdang naduh u bnai Lber bad ka dang iaid wat mynta ruh. Kine ki jinglehniam kiba la sdang ki long ha ki iing ki iing jong ki briew ban pyndep ia ka niam ka rukom ia kiba la khlad ka iaid beit.
Haba kren ha u SP News Agency u President ka Sein Raij Jowai u Bah O R Shallam u la ong ba ia mynta ym pat long ban iathuh ia mynta hynei ki long kiba la kreh bad kan iaid hi katkum ki kyndon kiba la buh da ka sorkar, kane ka Behdienkhlam ka ia hap bad kane ka khlam kaba mynta namar ban beh ia kane ka khlam.
Ia mynta ka dang don ha pdeng ka jingiapyrkhat bad ki nongialam bad ka sorkar, la tip sha ka sorkar ba ki long kiba la pynkhreh da kaba but ryntih ia baroh ki kyndon kiba ka sorkar kala buh bad ha ka juh ka por ban iada, ha ka juh ka por ruh ka shem shitom bha ba kin pynbeit.
La iathuh ba kiba bun ki kam kila iaid ban pyndep niam kala iaid shait shiat na duh u bnai Lber bad ia kine ki jinglehniam kiba la pyndep ruh ka long katkum ki kyndon kiba ka sorkar kala buh, ngim kwah ban ialeh pyrshah namar ka dei ka khlam kaba la ktah ia baroh shi tyllup jong ka pyrthei bad ka jingduwai jong ki ruh man ka sngi ba u Trai nongbuh nongthaw yn beh ia kane ka khlam.
U President ka Sein Raij u la ong ba ia mynta ym pat lah ban iathuh namar ka jingpynkhreh ka dang iaid bad ia ka jingshai ynsa lah ban tip haduh ka 26 tarik ei ei mynta u bnai kumno ba kan long. Ka jingleh niam kan long naduh ka 5 tarik haduh 8 tarik jong u Naitung 2020.
Haba ia dei bad ka jingpyngam ia u Khnong Balai yn nym lah ban pyniajngai namar da rah ia kato hap ban ia jngai shimeter metter kan long kaba eh kan bha hi ban iaid katkum ki kyndon jong ka sorkor kin nym ialeh pyrshah hynrei ka niam ka rukom kan iaid khamtam kato ka jingai bam ia ki long shuwa namar kato ka dei tang ha iing.
Na ka liang jong ki bor jong ka sorkar ruh ka khlem khang namar ka dei ka niam, hynrei haba ia dei bad ka jingleh niam ban pynngam ia u Khnong Blai kato ynsa tip ha dien ka 26 tarik namar ki dang ap ia ka rai na ka sorkar ha dien ba kin da la dep ban ia kynduh, wat la iaka Id ka International Festival ruh la pynsangeh te wat iaka Sngi Thohdieng Bakhuid ruh.
Kane ka jingleh niam ia kiba ia dei ha iing kan iaid beit haduh ka iing sad bad ha iing u Lyngdoh ruh kin pyndep hi hynrei ban ioh rong ia u Khnong Blai te artatien, hynrei kiwei kiwei ki jingleh niam kin iaid katkum kito ki sngi tang ka nguh ka dem bad ki jingduwai wat la ym lah ban leh kumta ruh ka jingleh niam baroh ka long kumba la pyndep.
