Ka kam ri dohkha bad ri sniang kan long ka lad ai kam ai jam ha Meghalaya: Dr Jitendra

New Delhi, Risaw 04: U Lat jong ka jylla Meghalaya u Tathagata Roy mynta ka sngi u la leit ban ia kynduh ia u Dr Jitendra Singh u Myntri khynnah ba dei peit ia ka tnad Development of North Eastern Region (DoNER), ha nongbah Delhi mynta ka sngi.

Ha kane ka jingiakynduh na ka liang jong u Lat ka jylla u la batai ha khmat jong u myntri ka sorkar pdeng ha kaba ia dei bad ka jinglong jingman ha ka jylla Meghalaya.

Ha kane ka jingiakynduh na ka liang jong u myntri ka sorkar pdeng u la ong ba kane ka sorkar hapoh ka jingialam jong u myntri rangbah duh jong ka Ri u Narendra Modi kala buh ha khmat eh ban peit kyrpang ia ka dong shatei lam mih ngi jong ka Ri India, khnang ban pynjan ia kiwei ki bynta jong ka Ri India sha North East.

Ha kane ka jingiakynduh u Dr Jitendra u la pynkynmaw ba ia ka National Conference kaba arphew ar  la pynlong na Shillong ha kaba la shim ruh ia ki rai ha katei ka jingialang kaba la long ar sngi lynter.

U Dr Jitendra u la ong ba ka sorkar pdeng kala shim ia baroh ki lad ki lynti ban kyntiew ia ki kam thain jain bad thain kriah ha North East, haba phai sha ka jylla Meghalaya u la ong ba ka kam Ri Dohkha bad ka kam ri Sniang kan long ka lad ai kam ai jam ha Meghalaya.

 

What Next?

Recent Articles

Leave a Reply

Submit Comment

*