Shillong, Jymmang 26: Wat la ki karkhana pynmih dewbilat ha kane ka jylla kila plie ha kaba la shah ba kin pyndon kam tang 50% ki nongtrei, hynrei ka karkhana shna dewbilat jong ka sorkar Mawmluh Cherra Cement Limited kaba don ha Sohra kam shym la lah ban sdang ia ka jingtrei.
U bah Prestone Tynsong u la ong ba kane ka karkhana dewbilat jong ka sorkar ka dei kaba la iap swai naduh mynshuwa shuwa ba kan don kane ka jingpakhang, ka sorkar ka dang hap wat ki lat ki lynti ha kaba ia dei bad kane ka karkhna kumno ban leh namar kala dep ban iap swai.
Kane ka dei ka jubab jong u Symbut myntri rangbah ka jylla haba la kylli ha kato ka sorkar lano kan sdang ban plie biang ia ka MCCL haba kiwei ki karkhana dewbilat jong ki riew shimet kila plie.
Haba ia dei bad kane u MDC jong ka Sohra u Bah Titosstarwell Chyne ba dei ruh u CEM jong ka KHADC u la thoh sha ka sorkar ba kyntu a ka sorkar ba kan pynbiang lem noh ia ki jingdon kam kane ka karkhana khnang ba kin ioh ban plie noh.
Kane ka karkhana dewbilat jong ka sorkar kadei kawei na ki lat ai kam ia ki briew jong ka sohra la ka dei kaba ki trei haophis, hapoh jong ka karkhna bad kiwei kiwei ki kam wat la ki dei beit bad ka karkhana hynrei ki briew jong ka sorkar kila im ja na kane ka karkhana.
