Ka khubor na ka KSU sha u DC bad SP Ri Bhoi District khileit ai jingiada iaki briew ha Umwang

Shillong, Nailar 06: Ka KSU jong ka North Khasi Hills unit ka pynrem jur ia u Deputy Commissioner bad Superintendent ki pulit jong ka Ri Bhoi District ba kim lah ban ai jingiada ia ki paidbah kiba don hapoh jong ka shnong madan Umwang bad ki shnong khappud bad ka jylla Assam.

Ka KSU North Khasi Hill District ka pynrem jur iaka jing kuman bad jing ieh khun swet ka Shnong Madan Umwang bad kiwei pat ki shnong badon ha thaiñ khappud bad ka Assam . Ka jing iehbeiñ ka Sorkar Jylla kala pynlong iaka kynhun lehnoh KPLT bad iaki Pulit Assam ban shim kabu ban pyndik bad ban pynthud ruh iaka shongsuk shong shngaiñ wat ban duh ia shibun kikam pynroi ha katei ka thaiñ.

Kum ban shu pynkynmaw biang ba haka sngi Palei ki Pulit ka Assam na West Karbi Anglong District kila hiar biang sha shnong Madan Umwang ban pyn sangeh Jubor iaka jingtei bala Mang tyngka daka tnat Sericulture jong ka Sorkar Jylla bad la byrngem ruh ban kem bad ban pynshitom ia u Bah Blikshon Mukhim uba long u Rangbah shnong ka madan Umwang .

Katei ka jingjia kala dep jia bun bunsien ha katei ka juh ka shnong bad ha ki thain Amjong bad kiwei kiwei ki shnong Kiba habit haki thain khappud Mawhati constituency namar ka jingkheiñ sting ka Sorkar jylla bad bym lerkam ka bor pyniaid ka Ribhoi District.

Ka seng ka buh jing kylli bad pan jing pynshai na u Deputy Commissioner bad u Superintendent ka Ribhoi District baki treikam beit thik tang naka bynta ban thwet ban kem bad pynshitom iaki dkhot ka KSU bad ban pynthut bad ban pyndik wat ia ki bahaing bahasem jong ki dkhot bad nalor kata ki la rah ruh ia ki kali shi met jong ki dkhot ka seng bad ia ka ambulance jong ka seng ruh, u DC bad u sp ki dei ban sngewthuh ba kidei tang ki sharkri jong u Paidbah ka ribhoi District.

Hato ka Sorkar jylla bad kibor pyniaid district kilah  phah pyrton Pulit bad CRPF na ka bynta ban thwet bad ban kthong iaki dkhot KSU la kum ba thwet ia ki lehnoh ba shyrkhei tam hapoh pyrthei, balei ka Sorkar Jylla bad kabor pyniaid ka Ri Bhoi District kim lah pat ban phah Pyrton Pulit sha Madan Umwang bad ha kiwei pat ki shnong badon ha katei ka thaiñ naka bynta ban kthong ban kem ia ki Lehnoh KPLT.

Kine ki lehnoh noh KPLT kiba ju pyndik bad dawa pisa Jubor na u Paidbah man ka por bad ai jing iada na ka jingshah thombor ha ki pulit ka Assam . Kane ka pawshai baka  rukom treikam u Deputy Commissioner bad u Superintendent ki  Police ka Ri Bhoi ka long kaba shah shiliang khmat bad ka rukom treikam ka bymkhuid bad lehse lah ban don bun kiei kiei na sha Lyndet.

Na ka liang jong ka KSU ka phah ia ka khubor sha u Deputy  Commissioner bad sha u Superintendent jong ki pulit ba ki dei ban pyndep hok ia ka kam jong ki kane ka long ka khubor kaba shai na ka liang jong ka seng ia kitei ki heh sorkar hapoh jong ka District.

 

What Next?

Recent Articles

Leave a Reply

Submit Comment
*