Shillong, Jylliew 29: U District Magistrate ha ka jingpynbna kaba la pynmih mynta ka sngi la ong ba ia ka korphiew hapoh jong ka Lumdiengjri Police Station la pynlait naduh kapor 5 baje mynstep haduh ka por 12 baje shitengmiet naduh la shai ka sngi 30, jylliew 2018 haduh ban da pynbna da kumwei pat.
Ki jaka kiba hap hapoh jong ka Lumdiengjri Police Station, ki long ka, Jaiaw, Mawkhar, Umsohsun, Riatsamthiah, Wahingdoh, Mission, Mawprem, Lumdiengjri, Lamavilla, Qualapatty, Wahthapbru, Sunny Hill, Cantonment, Mawlong Hat kynthup ia ka Cantonment Beat House, lait noh kiba hap sha Shiliang jong ka jingkieng Umshyrpi.
Ia ka korphiew ha kiwei ki bynta jong ka sor Shillong baroh kawei kan dang neh kum juh. Ka korphiew ha kiwei ki bynta jong ka sor Shillong ka trei kam naduh ka por 12.00 baje shiteng meit haduh ka por 5.00 baje mynstep haduh ban da pynbna da kumwei pat.
