Ka KSU Narpuh kan ujor sha ka MOEF  jong ka sorkar pdeng ba shim jaka shuh ka Star Cement

Shillong, Risaw 11:  Ka seng samla pule jong ka Khasi Students  Union (KSU) Narpuh Circle mynta ka sngi kala leit ban ai da ka jingthoh sha u bah J N Nengnong ba dei member secretary jong ka Meghalaya State Pollution Control Board (MSPCB) ban dawa ba ki dei ban pynsangeh ia ka jingsngap paidbah ha kaba ia dei bad ka jingshim jaka shuh ka Star Cement Company Private Limited ha shnong BriChyrnot ia kaba yn sa pynlong ha ka 19 tarik mynta u bnai.

Haba kren ha ki lad pathai khubor mynta ka sngi ha Shillong Press Club u U samla Kwilnis S Suchiang President jong ka KSU Narpuh ha ka jingiadon lang bad kiwei ki dkhot ka seng, kila pynpaw shai kdar ba kim pyrshah ia ka ki kam pynroi, hynrei kaei kaba ki pyrshah ka long ba kane ka jingshim jaka shuh jong ka tei ka kompeni pynmih dewbilat kala jan palat sha ka Lumar bad wah Lukha.

La ong ba kumba ka long mynta ha ka wah Lunar ym don shuh jingthaw ba bad kane kala ktah ruh ia ka wah Lukha ha kaba ka jingiap jong ki dohkha ka long man ka por, ki paidbah mynta kim nud shuh ban ktah ia ka um ha kine ki wah kane ka long ka jingma ia ka jingim briew. Kane ka jaka ba kin shim mynta kalong 42.052 hektar ka jngai tang 500 metter na kitei ki wah.

Na ka liang jong u tei u nongialam jong ka KSU Narpuh u buh ruh ia ka jingkylli balei ka tnad Wild Life jong ka sorkar jylla kam shym la ujor ei ei pyrshah ia kane namar kane ka jaka ban shim ka Star Cement ka long ha jan jong ka Narpuh Wild Life Sanctuary ba lada don ka jingpybtehi maw ki mrad na katei ka jaka kin sap het krad.

Katei ka jaka ka dei ka jaka khlaw bad lada ka sorkar jylla ka shah ban shim ka star cement ia kane ka jaka kan pynkylla long ia ka khlaw sha ka jaka shrah ha katei ka thain, kane kan ktah ia ki briew bad ia ki mrad ruh kum juh dei na kane ka daw ba ka seng ka kyntu ia ka SPCB ba kam dei ban pynlong ia kane ka jingsngap paidbah ha katei ka sngi.

Na ka liang jong ka seng kala pynkhreh mynta ban phah ia ka jingujor sha ka Minsitry of Forest bad Environment jong ka sorkar pdeng  ba kam dei ban ai jingbit ha kaba ia dei bad ka jingshim jaka jong ka Star Cement ban khlang ia u mawshuh na katei ka khlaw ka ban ktah ia ki paidbah.

La ong ruh ba ki karkhana pynmih dewbilat ha katei ka thain kim don ia ki Efflument Treatment Plants  ban iada na ki jaboh ba mih na ki karkhana, la ong u president ka KSU Narpuh Circle.

What Next?

Recent Articles

Leave a Reply

Submit Comment

*